على مفاهيم الشعر بالواضح الجزل السليم
انخب من اثمنها وفا باللي تسد الزامها
اتعب على اللي تنتشي للمجد في وصف العديم
تشوش لامنها امدحت روس العرب واعلامها
كل القصايد محرجه من هيبة النادر تميم
هو قبلة حروف الثنا هو فخرها واحلامها
سلام ياميرٍ رقا لسهيل بالحمل الجسيم
نسل الرجال اللي روى دم الحريب حسامها
قطر تعز امجادها من سالف العهد القديم
مبطي حموها بالقنا واوفو لها حكامها
هذا التميمي لاوقف له شان ويضد الغريم
يوم الحرايب دارهم تعصى على من حامها
دام المكارم جلها تندى على كف الكريم
بكفوفكم ساحل سخا فاق العرب واكرامها
فيك السمو وهيبته ياصاحب الشان العظيم
نعم بسليل اللي رست فوق الصروح اعلامها
تكد من دون الوطن والشعب كدات العزيم
والمعضله لك تنثني عسف وتقود خطامها
لك سطوة بين العرب تاطا على خشم الزعيم
والحرب لامنها دنت ربعك تفك لثامها
كل المراجل حشتها بالسيف وتكيد الخصيم
تميم عادتها كذا في حربها واقدامها
حكيم رايه لابدا بالراي وبشعبه رحيم
الله يحفظ اللي رقا راس الشموخ ورامها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.