بسم الله الوالي ، عادل الميل لا مآل
كافرٍ بالصواديف مومنٍ بالله الهآدي..
بعض الحكي ينقال واكثره ماينقال
لو شفتني صم الصخر في جآل وادي
مل صبره من شوفة السيل لاسال
وتعب من رفقة رخوم الاعوادي
مع كل همّالٍ يمر طارف الجال
يشوف اقشاش اعواده بعادي
لو يجمع لك الوقت من الوقت عذال
وانته رخو عزالله منته معآدي
ولا الذيب اللي له المشراف مدهال
من كثر طلّابه ماله اعدادي
جروح البدن تبرآ وجرح الزمن قتّال
استغفر الله وان بدآ لي باللغآ بادي ..
صابر ثلاث سنين وقبله ثلاث ثقال
حتى الصبر مل من صبري على مرادي
ادرا الدموع بحابس الموقين ماتنطال
لحدٍ يخيل بحابس الموقين رعّادي ..
اي والله ان الصبر على الرجاوي طال
وصارت طعون الزمان من الزمن عادي
وضامي الخدين عقب الجدابة سال
واروت سحايب ماطره مجدب الوادي
لله .. حكمة بالمقدير لو جال ،
وقت القسآ بين المعانين وازدادي !
دهر القسا يكشف معادين الاشكال ،
يفضح خفا زيف النفاقات ببلآدي
ويكشف سطا سيفه مخابير الانذال ، اللي حكى من فرحته في هجادي
ياعاتقي طال البلآ والنور ماطال
يجزاك ربك على مطاحن جهادي
شلت حمولٍ ماهي بالاكتاف تنشال
وضيق صدرٍ من جور الايام معتادي
ياعاتقي اصبر لو ان الحال بي مال
مالي عقب الله الا انت وعنادي .
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.