حضور الشخص وغيابه . - محمد البياضي
من هجوس احثها حث الركابوامتطيها من على البيداء ذلولفوقها القربه وزادي والزهابوالخطام اقصره لو ماهي جفول(قبل) والبارح سرت مسرى الذياببي وانا ماني على الطرقه عَجولترتفع روس النوازي والهضابوبخيالي قامت تصول وتجولحولت بي من النوايف للشعابواستقرت بين ضلعان وسهولترجم احساسي بعد رحلة عذابرحلة ٍ ماهي بمقناص الوعولرحلة ٍ فيها الخيال ابحر وغابلا رقب زيله ولا جره لزولالنظر منساق بذهاب وايابوالفكر صوّر مسارات الزحولالبيوت ومِنكشف عنها الحجابوجهها ما هو كما وجه البتولكل شخص ٍ له حضور وله غيابله طموح وله رغابات وميولوالكفو عن جوه ان زِيح الضبابجاك لو غيّب عن الانظار حُولعنه واجب نسأل الناس القرابأو لمنزله انتكرم بالوصولما بها شرهة عزيز ولا عتابغيبته والظرف به كل الحلولالظروف القاسيات من الصعاببابها بعنوان مسموح الدخولوالاماني لونها رغبة شبابتختلف حسب المذاهب والعقولواحداً يبغى يشخص بالثيابوايتكشخ وايتمشى وسط مولللآذى ومغازلة تلع الرقابلا حياء في وجهه ولاهو بخجولرغبته كل ٍ يشوفه ما يهابوالاهم عند العذارى له قبولعايش ٍ في وهم وافكاره سرابمقتنع فيما يسويه ويقولناسي انه لا كبر ما ظل شابوالسنين تمر وتبين الخلولوواحداً رغبته قصر بكم بابكل باب بحارس ٍ واربع قفولمرتفع سوره ما يدخله الذبابغير صدقانه وعايش به كسولدون شغل وكل ما يطلب يجابوالخدم حُوله ومكفول امحفولوواحداً كالسيف مصقول النصابواضح الاهداف للمطلب ينولنظرته متعليه متن السحابوامنياته في طلوع عن النزولمستقيم وساعي بحفظ الكتابالمبين وحفظ احاديث الرسولالخطأ ما دله يدل الصوابمصلحه ربي على بيض الفعولما قضى يومه بتصوير السنابملتزم في شغل لو وقته يطولرغم له فالتقنيه ويملك حسابلكن الترتيب علمه الاصولوالرجال بطيبها تزيدك اعجابوشدة اعجابك بها تسمى ذهولوبعد ما جندت هاجوسي وطابجوي يااصحاب الوفاء حبيت اقولكل شخص ٍ له حضور وله غيابله طموح وله رغابات وميول
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.