أحمد المعبود الرب المجيد
ومن حمد مولاه والله ما يلام
الشفى للشيخ كل يوم يزيد
والثنا والحمد للي ما ينام
نحمد الله يومنا يوم سعيد
اسفرت الكويت وانزاح الظلام
أزهرت الشجار واخضر الجريد
وغرد البلبول وغنى له الحمام
والشهر كله لنا ايام عيد
ومن الكرب والكيف شيدنا الغرام
نطلب لأبو سالم بالعمر المديد
وبالشفا يكسيه ربه كل عام
الأمير اللي لنا أب وسيد
وظافي حلمه عل جهل العوام
ومدير قومه بالرأي الرشيد
ومرضى الأمة في فعل وكلام
وصاير للغوش طود من حديد
ورافع الشعب في أعلى مقام
وبالفكر والرأي يفعل ما يريد
وبالسياسة يضيم ما والله يضام
باسط نفسه للقمرى البليد
قاسي ما يلين لاشتد الزحام
والثنى والمجد ماجه من بعيد
مارث النوماس من خال وعمام
الصباح كلهم مفاريط الحديد
ذروة المعروف وللعليا سنام
شعبهم مشهور بالعزم الشديد
رافع راسه ما بين الأنام
وبالوزارة أقول وافين الوعيد
أدوا الواجب اشبال الكرام
يعجز لساني من نظم النشيد
لاشك انالي قلت قالوا له مرام
ويعلم المعبود الفرد الوحيد
مالي طمع بالمال لا ومنشى الغمام
لاشك أهم زندي إلى يبس الوريد
وان عثرت وطحت شالوني همام
وألا النخل والملك لابده يبيد
لو عمر له سنين يرجع للعدام
والثنا والمجد ثابت بالوكيد
في صفحة التاريخ محفوظ دوام
ومدح عل الانذال ما والله يفيد
وباهل الكرب والجود ما قتلته تمام
وللشيخ أبو سالم نرجع له ونعيد
بالتحية والكراة والسلام
غصب على الحساد والضد العنيد
أهل المكر والجور عيال الحرام
وسامحو لي البشر يخطي ويعيد
والحسد ماجود من حام وسام
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.