البارحه ليلي سهرته بهوجاس
والنفس جازت ولا شياً تطيقه
هلت دموعي عقب ماكنت حبّاس
تبي تطفي نار بقلبي حريقه
وتسقي عروقاً من سنا النار يبّاس
خوفاً بقية جسم يصبح لحيقه
ومرت خواطر لفها البعد بالياس
ناقوس ذكرى والمعالم عتيقه
صبّرت حالي وقلت للحال لاباس
وش فايدة نبش الجروح العميقه
اللي مضى ماضي فلا بيه تحتاس
انسى:ولو تفسك تقل بي ضيقه
الكون عامر مسرح لربح وافلاس
ورب البشر حدد اسباباً تسيقه
وبديت اخط الحبر من فوق قرطاس
سار القلم يكتب حروفاً غريقه
يابنت ياللي وصفكم ظبي الاطعاس
لو كان تعبيراً..ابي تستليقه
يبو ثنايا عقد لولو ولا الماس
يشع نوره..والشفايف تعيقه
يبو عيوناً بالتواصيف نعاس
اما المبيسم فالشهد وسط ريقه
بالحكم ماعندك معايير وقياس
حكمك صدر..بدون صك وثيقه
الناس واحد والتصانيف اجناس
مثل الزهور..وكل زهر بعبيقه
خميلةً وازهارها تقرع اجراس
كنه تنادي والمولع عشيقه
الورد جور وريحته لي ميناس
الفل والريحان ونسمه طليقه
من كاينات الله وصفي من الناس
مخلوق بالدنيا وجودي حقيقه
انسان مثلك يالغضي وعندي احساس
عندي عواطف والمشاعر رقيقه
اعيش دنيا الحب في روح وانفاس
طيراً مغرد والغضاء هو صديقه
درب الوفاء عندي على الدوم نبراس
ماهو تصنع او سراب وبريقه
والحب مبني في حياتي على اساس
الصدق والاخلاص ليا طريقه
حريتي واعيشها دون حراس
متمتع بلحظاتها والدقيقه
هذا انا ماقولها لاجل نوماس
طبيعتي واعيشها بالخليقه
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.