درب المعالي ماتجي قول بلسان
من غير افعالاً ونظره بصيره
واللي يبي العلياء بنى اساس واركان
وهذي الاسس فيها معالم كثيره
يابو عمر ياماكر الطيب واحسان
الطيب فطره فيك طبع ومسيره
يانسل من هم بالميادين فرسان
لهم مواقف بالامور العسيره
اهل كطرم واسياد لصارت اكوان
(ياريحة الماضي تجدد عبيره)
افعال لك نبراس في كل ميدان
افخر بشخصك والشهاده كبيره
المحتاج والعاني قلبك لهو لان
يامساعد المحتار من وسط حيره
فعلك سبق قولك بلمسات فنان
وفي كل حاله قلت يالله خيره
ابوك ابن هران الشيخ سلمان
رمزاً لنا والشيخ ومن نستشيره
واخوك ابو احمد يانعم فيكم اخوان
عضدك ومبطي كنت من هو وزيره
وشهادتي مجروحة(ن) يابن هران
لكن مدحي حق وانتم نصيره
ويازين حفلاً يوم فيك الشعر زان
مجلسك ضم شيوخ من اهل الجزيره
,وشيوخ جوك من القبيله والاعيان
ومن مثلوا رموزاً لنا بالعشيره
والله يبيض وجهك في كل الاحيان
ياللي المعالي لك صفه ثم سيره
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.