ياكاتبه وصفك لمن يجهلونه
صدفه قريته والمعاني به اجزال
(فيني هدوء الكون وفيني جنونه)
هذا تحدي قبل مايكون مرسال
منقول والا وصف لمن يحترونه
والا هو التعبير عن واقع الحال
الكل له خيار بكامل شئونه
والكل له حرية القول وافعال
كم من مترجم واضحه به فنونه
ترجم خفايا لروح واللي على البال
متأكداً من خافقه مايخونه
أكيد تأكيده كما رزة اجبال
يعيش عقله مهو عالم ظنونه
مهو مثل منهو مع الريح لن مال
صريح مع من دايماً هم يبونه
ولا يتلعب بالمعاني والاقوال
توقعاً من ناس مايعرفونه
توقعي واظن هو منها نال
كني اشوف الليل غطى امتونه
كني اشوفه ناف عن كل الازوال
كن الجمال اخاف من يوصفونه
سهوم عينه فاقت وصاف الابطال
يابنت عندي بعض مافيك لونه
فيني فصول العام وبالوصف رحال
فيني انسان وفطرتي بي مصونه
عندي ترى موروث من عدة اجيال
فيني صفو الحب فيني شجونه
والحب عندي شكل مو عدة اشكال
قيني جمال الورد وخضرة غصونه
وفيني قمر ساطع مع الجو يختال
وفيني جمال الشط وفيني فنونه
حيث ان هدوء البحر للهم حلال
فيني نسايم ليل بهمسه حنونه
مرسال من هو غاب والبعد به طال
وترى لغات الكون فيها مرونه
ويترجمه ناياً معه صوت موال
والوجه الاخر قلت يالله عونه
فيني هموم وخافقي بيه زلزال
فيني غريب الدار يمشي بهونه
ماهو بكيفه بالتنقل وتجوال
فيني امل والياس بيني ودونه
وفيني تفاءل صار قصراً على رمال
نعم امل لكن غمض عيونه
حتى ايقنت الحال ماتسوى اريال
فيني ظلام الليل وفيني سكونه
غاب القمر وتسكرت كل الاقفال
فيني هياج البحر بكل مخزونه
يومن طغى والموج عالي وقتال
فيني ذبول الورد غمض اجفونه
ثم اختقى والعطر منه فنى وزال
أخذ وعطأ وكلاً يسدد ديونه
والا ترى بالكون ما ضل نزال
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.