البدع : محمد المحبي
:::
والله اني مانويت احط يدي في يد الدني
واني ماحط ايدي الا في يد الونعم وراع القاله
ان نصيته قال حاضر وان نصاني مادرق عنه
الونعم مايدرق وقت النشايب واللاوازم عني
والدني لوشافني مقتول ماعزاء قرايبي
واللي مالي عنده الا ضحكة من سن لي يبديها
ماني في حاجة سنونه في نهار الضيق والنشب
لابغيت اسنون تضحكلي سنوني فالمرايا تكفي
خير لي من سنته في كل مجلس لي يمنها
الونعم لو راحت ايدينه من الاكتاف لجلك ونعم
مايقل بكره من اجلك صار فيني ماترا وتشوف
االحذر تمدحه في وجهه ولكن امدحه بغيابه
خل غيرك يخبره بان الوافا له مانت ناكره
..........
الرد: عيسى المحبي:
يالله يامن جل شأنه في طريق الخيرودني
يالله إبعدني عن المنقودوأصحابه وعن نقاله
الخطاء يكبرورقعنا ولاعد فادرقعنه
كل ما واحد سكت جاءواحدن مدينفجر ويعني
ينبش الماضي ويبعدنا وقد كنا قرايبي
وان بعض الناس باطن هرجته غيرالتي يبديها
واجب انا نرفض الفتنه ونطفيها ولا نشب
التصافح بالنوايا والقلوب البيض قبل الكفي
لو نوينا الخيرمانحتاح من يأمر ومن نهى
مانخصص واحدن بالقول لكنا نلمح ونعم
وأعلم إن الرأي أمانه لانشدتك وأش ترى وتشوف
ديننا حرم دم المسلم وحرم فتنته وغيابه
والأمورتحل بالحكمه ولاهي بالمجاكره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.