البارحه يوم كلن مرقده دافي
مع هجعة الي سموع اذنه ملحفها
صليت لي ركعتين عجال وخفافي
وانا صلاتي ما كنة اعجل وخففها
ودعيت ربي بدعوا سرها خافي
تخفى على الخلق والخلاق يعرفها
وخذت القلم والورق واخذة كشافي
وشغلة سيارتي وقعدة احرفها
في ليلتٍ بين مرباعن ومصيافي
فاخرليال الشتا والقيض داهفها
فاحة هجوسي وقمة اصخّر القافي
بنات فكرن تلا قفني والاقفها
اختار منها واثمنها قبل تافي
لجل العوارف ما تلحقني حسايفها
مادام عرضي نضيف ومعدني صافي
وافعال ربعي تشرفني واشرفها
مالد عيني خلاف لحذف حذافي
الي ليا مالحقها قام يحذفها
يهمني نقد نقاده وعرافي
ماهمني كلمة الزيف ومزيفها
الكذب خيبه وراع الكذب زهافي
والضلم ضلماء ونور الحق يكشفها
لي لابتن مجدهم تاريخ ينشافي
كتب المعارف مسجل في معارفها
ارفع بهم راسي الي فوق الاكتافي
هزيمة جيوش باشا من مواقفها
طوسون جا لتربه با الجيش زحافي
وذاق الهزيمه ولا شرف مشارفها
اسقوه سمو البقوم بسمٍ ذعافي
بسبابها تركيا خسرة تحالفها
أيو الله اشوش كن براسي شعافي
مشاعري في عزاتي صعب اوصفها
شاعروطبعي قدم ماعود خلافي
وعرف بنوك الصارف من مصارفها
اعتز في عزوتي والجارله وافي
وارفع يميني عن السفلى واطرفها
كل القبا يل لهم تاريخ واسلافي
قبا يلٍ نفتخر في طيب سالفها
حقٍ علينا نجازيهم با الانصافي
ما نجحد افعا لهم والا نحرفها
شعارشومو ترى فالشعر سفسافي
والرجل نفسه بشر تخطي ويصرفها
شعرٍ ينزل مقام الجار ينعافي
كلمة شرف قلتها والله ما اخلفها
ورجلٍ يقول القبايل فيهم ضعافي
ضالم لنفسه ولشيطان مضعفها
الناس اجناس فيهم طيب وهافي
ولا ينعرف فالرجال الا عوارفها
والحرباالرمز يفهم نية اهدافي
وفي مستواها حسب فكره يصنفها
واختم كلامي بذكر الواحد الشافي
وعوذ به من شقى النفس وتكلفها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.