كنا نحسب الحب يجمع له 2
والصبر بعد سنين لابد نجناه
وبين الرجا والياس ومعاند البين
ضعنا وضاع الحلم يوم رسمناه
والي سكن بالقلب واسهرك ياعين
ولجله غزير الدمع حدر من اقصاه
سافر عن ديارك عصر يوم الاثنين
وانتي فقدتيهم وحنا فقدناه
سافر بعد روحي ودز العناوين
وامسيت في حيره وذقت المعاناه
والحب بين اغراب ماله قوانين
ودونه حقوق/ن للقرابه مبداه
واحذر تعدا في حدود الشياطين
الي من الجدان وصابها ابناه
تبقى قداستها حصينه كما الدين
وان عبتها كلن تورسلك بادعاه
وقالوا عليك اقشر وبك جن والعين
وعشر الجماعه والسعد يوم فرقاه
وان مرهم بالدرب راحوا مقفين
لاخير في روده وزوله وملفاه
وحورية الدنيا بلاشي من الحين
والظلم ماطيقه عليها ولا ارضاه
ولأقرا . قبل مانام طه وياسين
وان جاتني بالحلم يالثوب لفراه
وياحظي العاثر وياحظي الشين
وياحظي الي شبك القلب واعناه
وياعييشتن قششرا وناس قشيرين
وياوقت هد الحيل والمبصر اعماه
ابانتظر تالي حياتي من سنين
ويالله عسى في جنة الخلد نلقاه
بعد العنا والياس نصبح عروسين
في جنة فيها النفوس المنقاه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.