الله من عين تسوق العبر سوق
سوق السحايب من مزون مريفه
والله من قلب شوا الصدر من فوق
متولع بريجه وعيا يعيفه
ويابنت صار الحر عاشق ومعشوق
عشق الشرف ويلاه ماجا وصيفه
حدتني اشواقي وهو حده الشوق
وقررت اجي بيته وازوره واضيفه
اقابله واجلس واسولف على الذوق
انا نظيف الثوب وهي نظيفه
والله ثلاث ايمان مابيننا بوق
وزود على حسن الملامح عفيفه
وجيته بثلث الليل والقلب محروق
في ليلة غدرا وضلما كفيفه
فيه السحاب ارزم ولاحت به بروق
اصد عن برقه ولمعة رفيفه
والناس في هجعه وفي نومها اغروق
والرعد وسط المزن نسمع رجيفه
ذيب قنص له شاه واستاقها سوق
ولاحد/ن عن امعشاه يقدر يخيفه
ضربة يمينه خلت الزور مشقوق
ولا ياكل الحرجه ولاالي ضعيفه
واللحم من فعله ممزق ومفتوق
والدم من نابه تسابق نزيفه
مكن لها بالغصن طاغي ومطفوق
وقفت من الروعه براس النصيفه
في ليلة/ن ثقلت على كل مخلوق
وليف بين الحمظ قابل وليفه
ومن يومها عييت لاصحا ولا اروق
كنه غرز رمحه بقلبي وسيفه
حلو الجسم والعنق والطول منتوق
يلعب على قلبي ويامر بكيفه
وامسيت اهذريبه واغني له اطروق
واكتب له اشعاري بصدر الصحيفه
وغدا شقا عمري من الفكر مسروق
وعجزت لاحصل بعدها وظيفه
وانتي سوات الماس مع تاجر السوق
وعن دربكم جنبت ذله وخيفه
ادري تحبيني ولك يمي حقوق
لكن ماشي قلب والعقل ليفه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.