البدع .. حسن عامر
.
يامحمد النوق لاصيبت ببلوا .. تساب
أما السيوف البوارع فالصلابه .. تصل
والسيف ذا شابين حده ما كلا .. امتنا
يقطع كفوف البغاة ويقطع .. ارقيبها
.
الرد ابوتركي
.
بعض العرب مختفي ماعاد في الوات ساب
ابحث عنه مالقيته ياحسن متصل
من قبل ماتختفي لوكان كلمتنا
ماودي اراقب اللي ربي ارقيبها
.
البدع .. حسن عامر
.
اذا بغينا نعمّر بوب ونهلّ .. باب
يامن تجيد الا شاره مالها الا .. جُمل
ترى الاشاره لغه وتزيد في .. صمتنا
ولا شتريت المراكي الا وتركي .. بها
.
الرد:ابوتركي
.
تفكرو فالحقايق عدل ياهل اللباب
من جمل لاتجحدون الجمل قولوجمل
في كلمة الحق قلها لاتقل صمت انا
ولاتقول الحقايق صعب تركيبها
.
البدع .. حسن عامر
.
من يغترب في بلاد الغرب ساقا .. الغراب
يقول شفت الحضاره عندهم في .. كمل
وقام يوصف لنا الخضره وموز .. احتنا
والانظمه تحترم والناس تم .. شيبها
.
الرد: ابوتركي
مدري متى ينتهي مشروع ساق الغراب
يتأملون العرب واقول مافيك أمل
وياوزير النقل ندري انك موزحتنا
والناس شيبان ليتك تحترم شيبها
.
البدع.. حسن عامر
.
يالله نطلبك في عفوك وحسن .. الثياب
مايرفع الرجل بين الناس غير .. العقل
والصقر مايبتني في كل وشعن .. دنا
يحل روس الجبال وفي مراقي .. بها
.
الرد: ابوتركي
.
مهما لبسنا علينا من حسان الثياب
ونلبس اشموغ واغتر تحت ذيك العقل
لاباسنا مايقل للناس وش عندنا
اللبس مايظهر اهله في مراقيبها
.
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.