الليله الليله حكي .. دون الأقواس
باصدق كلام ايكرّس العزّ تكريس
يوم الاهانه .. جاوزت كل مقياس
صاحت حروفٍ بالمحاني محابيس
يابنت يابنت الاكابر من الناس
ماننشرى لو الثمن .. مُلك بلقيس
تموت روحٍ !! بس ما ينْحني راس
ماكل راسٍ يرْتخي .. لرتخى الكيس
بالمغُريات مْن العذارى ، والالماس
انفرّق اشيوخ العرب والمتعايس
وش فايدة كسب الدراهم بلا اقياس
مدامنا من الكرامه .. مفاليس
غير المهانه وش عذر رُمْح جساس ؟
ودون الكرامه .. ماتعيش القرانيس !
كانك حفيدة من على العرش جلّاس
ف احنا لنا في دولة العز تأسيس
تراثكم يابنت كاسٍ ، ورا كاس
وتراثنا مجدٍ حوتْه .. الكراريس
تاريخ جدانك خيانات وافلاس
وتاريخ جداني مسيرة نواميس
اصغر فعايلنا لا دقن الاجراس
انردّ حكْمٍ .. ماترده الاباليس !
ماقول كان العود للعز .. نبراس
اقول انا ذا .. وانصفوا بالمقاييس
من طيبة أقلامي ليا اخترت قرطاس
غارت من اسبابه جميع .. القراطيس
من لا يغامر لجل يضفر .. بنوماس
عاش العمر كله .. مابين الكواليس
من لا برز نابه مع الناس ينداس
ماعادت الطيبة لها اليوم .. تقديس
منهو يقول ابليس متشوفه .. الناس
هذا انا معزوم في .. صحبة ابليس
من عمر الحباره عشا كل قرناس
واليوم الحباره تعشّي .. قرانيس !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.