الطموح والقناعة. لـ ريناد القحطاني

الطموح والقناعة - ريناد القحطاني

نفسي ( طموحه ) ولا يبست بلايلها
قناعتي (كنز) وقت الضيق الجابه

الناس من طيبتي شبّت فعايلها
الله عطاني (عقل) أنام واصحابه

اساير ايام عمري واتخايلها
الوقت يمضي وغيري ضّيع احسابه

ماكل من دوّر (الطِيبَه )يحصلها
عكس (الرديه) تراها نار شبابه

ياكبر(غلطه) تجيني واتحملها
أحطها وسط صدرً يحفظ ادابه

احسها في خفوقي واتجاهلها
ماينكشف سرها .. صدري لها غابه

هذي صفاتي وغيري مايعدلها
أغوص (بحر) المعارف وافتح ابوابه

مير البلا في نفوس الشر مجبلها
ماهمها غير (قال) و(قيل ) و(قلنابه)

يالله ياخالقي منشي مخايلها
ياللي جميع الخلايق تاقف ابابه

تدلني صوب من يفهم رسائلها
ارفع به الراس دائم واتعزوابه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.