اصدق قصيد اللي به الجرح حد صعلوك
لا حاسب لهذا..ولا هايب... ذاك
وأكذب قصيد اللي به الحر..مملوك
عبد الظروف..اللي لها قيل..ملاك
لك..ياقصيدي سلطتك يوم غنوك
كفو العذاب..وتملك إحساس غناك
على بساطة حالك الناس..حبوك
خامرت روح اللي لمس فيه..منفاك
دمع السنين استعذبوا يوم..شربوك
ملح النزيف اللي..سمح فيك واعطاك
نهر..حزين..وهايم الموج متروك
تجري بك اقدار الليالي..لمنهاك
وللبدو..من يوم انكتبت وتهجوك
عاش البحر يحسد صحاريك..معناك
ماتخذل اصحابك..ولا تكسر اخوك
لا ماهي اخلاقك ولا الحيف..منشاك
واصلت يوم اللي بدو معك..خلوك
في منتصف وعي الضماير..بمرقاك
يوم خويا جرحك مع البير..دلوك
وردت مظمين الحقايق..ثناياك
قلت اشربوا روادكم..واستشفوك
نزف الحلال وحرمك كثرة..اعداك
تكالبو..من كل شك وتحدوك
حتى لفيت بأيتك عكس..مغزاك
بافكارهم والا انت مهما..تصدوك
"ماتنفي شموسك"غرابيل..دنياك
واجمل خطايا موقفك يوم..ضدوك
رجم الظلام الدارس..بنجمة ضياك
يبقى بري هالنقد مما به..اغروك
للزيف مصلحته..بتغييب مبداك
واستبشر..الغاوين يوم استلذوك
باعو"دعاة نفوسهم"عند..طرياك!
لا يحزنك كونك وحيد..وصعلوك
كم شيخ في قلبه مماليك تتلاك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.