طيري تركته حر قلب وجناحين
هذا .. المدى .. واحساسه ومايريده
ما اشيمه .. عن صدّته واسأله وين ؟
ربي يحللّ خاينّي في جديده
ماني قفص .. والصدر مابه خفوقين
والدمّ بعض أحيان يجفا وريده
واللي بكيف النزف عاف الوريدين
ما اركض وراه .. بدمعتي واستعيده
شر الغلا .. ما يتعبك منكسر .. عين
عدّه .. لقلبك واحدٍ من عبيده
لو قال أحبك كنها داخله دين
فضلٍ عليه وماله إلا يعيده
مجبور نفس مقيّد .. احساس وايدين
ماله خيار ولا لحبه عقيده
بس يتوحى زلّتك في المحبين
نزر الطباع المحتري للطريده
ذنبك على من عاف حبك بذنبين
وان سامحك صار الرضى .. شرهة ايده
أغلى الهوى .. ما ضمّدك بين ضلعين
واغضى عليك بدمعته والقصيده
ما للعطا .. والوصل فيّا .. ضميرين
ولا للعيوب بذمّتي .. ما يريده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.