ياليت أسلم على حالي. لـ روعة هوازن

ياليت أسلم على حالي - روعة هوازن

مليت حزن تلفلف بي مثل شالي
مافيه ليله عيوني مايبكيها

ماينفع الشوق بس الشوق يالغالي
هاذي مشاعر"جميلة"وين أوديها

مافي خفوقي فرح أول ولا تالي
احلى الاحاسيس ماتت مع امانيها

عيش الحياتك ولا ابيك ترثالي
بعض المواسات تحرق القلب عازيها

تدري بهالكون مايهوي سوى العالي
واللي على القاع رجله ثابته فيها

حطيت عند الثريا فوق منزالي
قلت الكواكب الى مرت أخاويها

بنيت احلام وماتطري على بالي
أن الليالي إلى مالت أخليها

واليوم ياليتني أسلم على حالي
عندي مثل بعض عاليها وواطيها

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.