يا مالك. لـ رهب السعودية

يا مالك - رهب السعودية

صعب علي اليوم ابدي حسانيه
والاصعب أني مبتدي في وصوفك

الطيب كله قدوة في مماشيك
حاليك ربك في عيون تشوفك

أحب طيب زايد في معانيك
والعزه اللي تستكن في حروفك

خذ قلبي اللي من محانيه يدعيك
وخذ روحي اللي وجدها بس شوفك

ياملك قلب الغلا قلب مغليك
كل المنا سكناي داخل عطوفك

ياحبني لك ياهوى روح داعيك
ياوافي واكتب بقايا وصوفك

كلي سوالف بك ودايم بطاريك
بس اتسلى دايم في طيوفك

ماغير اراعيها واتالي مماشيك
وقلبي يفز وكل شي يشوفك

دايم تعلى في عيوني واعليك
كامل ورب الكون كمل وصوفك

أحب بين الناس ذكرك وطاريك
ولوك تعداني اراعي ظروفك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.