مدت يديها قالت اقرب ما هنا غيرك وانا
اللي مضى من غيبتك بتعوضه عني السنين
اتعبتني من كثر شوقي ما جنيت الا العنا
وامسيت في ذيك الليالي بالسهاد وبالحنين
وارقب مجيّك يوم غيري جاه حظه واغتنا
واصبر عليك وما ارتخى حبلي معك يبقى متين
قالوا لي انتي مثلنا لا جاك غيره ي اختنا
بتوافقين وقلت لا والله يا جهّال وين
هذا بنى حبه ولا احسن من مبانيه البنا
وهذا ملكني من قبل لا اعرف العشق ويحين
اذكرك يوم انك سهيت ويوم جيت وشفتنا
وانا ترى مثلك سهيت وما صحيت الا ابعدين
يوم انت تسمع من يقول اجلس وهذي بنتنا
ناظرت في عينك غرام الوقت والخافي يبين
اعرف مرام اهل الغرام ليا بعد ولا دنا
مير اقترب لا تلتفت عني شمال ولا يمين
واترك عواذلنا وخل الحب يسري بيننا
يا ويش فود الحب كانه ما ظهر وامسى دفين
اقرب وعوضني انتظارك يا الغلا بلحظة هنا
اقرب وناولني يدك هذا انا وهذي اليدين
اقرب وصافحني مدام ان ما هنا غيرك وانا
عانقني وما فات من وقتك تعوضه السنين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.