يابواحمد حضر اطروس الكتابه
سطر اللي امليه والمكتوب سمه
استمع يابوك / لوصايا / تنابه
احفظ المعنى وسط جوفك ودمه
ما بقي بالعمر شئ يعتزى به
فأكتب العنوان للقاري / وتمه
وجد حالي وجد من فتل شنابه
وانتهى بالحال في عزوة مرمه
وينه اللي لا اعتزيته ينتخى به
ووينه اللي لا ثقل حملك يزمه
راح لا مثله ينومس في غيابه
وراح لاصيته يسبع ولد عمه
وراح لا كفه بهمال السحابه
وراح لا قولوا يبلغك المهمه
يوم كان الكفو في عز الحرابه
يقضي اللازم / يوفيك ابمتمه
اشهد انه راح ماحي ن درى به
الكفو يزبنك واما اللاش / رمه
ما ولدتن / يالحراير لا / نجابه
صار كل وقفته تقضي بسمه
قالوا ان الابن لخواله / يشابه
تهمة الامثال يرموها على امه
والله ان الكفوو ماتقوى عتابه
ووالله ان الكفو ماتقوى لذمه
وصحبة الهافي تلبسك الكآبه
مايشّرح خاطرك / الا يهمّه
فالنجاح اليوم / يبغى له ذيابه
والفشل يسند على كاهلك همه
فأستعد بالصدر لطعون تشابه
وقعها أقرب على كفك ل/ كمه
عِدّها / مابين خذلان الصحابة
وخفّها بين الجفون اللي تضمة
فالليالي السود يغشاها ضبابه
والألم / لمّه عن / العذال / لمه
يابو احمد عدها / فيت سحابه
واطلب الباري يفرج كل غمه
ربك اللي علمك / حب القرابة
اطلبه/ما خاب/ من وجّهت يمه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.