الشلاحي
ياضيوفٍ حضرتوا يسعد الله مساكم
كل ضيفٍ نبي نأخذ حمايض علومه
الزلامي يحسب انه على الشعر حاكم
ما درى إنّا على الشعار مثل الحكومة
الزلامي
كان فيها تحدي فارقونا وراكم
عارفين القمر والليل نحسب نجومه
ياعرب مالحقنا شك في مستواكم
مير ياليت حضن الضلع يلزم بقومه
الشلاحي
ياعتيبة زعلكم ما يباعد رضاكم
من يحب التحدي ما تردى عزومه
ياوسيع البنايد ما رضينا خطاكم
وادري ان المطيري ما فرحت بقدومه
الزلامي
شرنا مانعينه وان طلبتوه جاكم
مير خلوا لحاكم غالية ومحشومة
امتحنتوا عتيبة هالسنة وش بلاكم
والمراجل بحر واللي يعومه يعومه
الشلاحي
والله إنّا مانرجي قطرةٍ من سماكم
ياعسا هالسنة تكثر عليكم غيومه
العتيبي طبيعي لو همومه تراكم
عادةاصغر مطيريٍ يزود همومه
الزلامي
يالاجاويد حنا ربعكم وقصراكم
والعرب ما تطق الباب غير معزومه
اعزمونا ونلفيكم وتكرم لحاكم
لا تقولون هذا عندنا وش لزومه
الشلاحي
راعي البيت رجلٍ جالسٍ في حراكم
مير ضيف العرب يونس على الكبد لومة
يا عتيبة ترا داكم طلع من رداكم
المثايل قديمة و الشكوك معدومة
الزلامي
في زمانٍ مضى نزعل ونلعن ثواكم
والعشية مطير مريّحة ومخدومة
ليت والله يجي فرصة ونقلع مداكم
لو ملفي من الضيقة يشقق هدومه
الشلاحي
دائم افعولكم ما تتفق مع حكاكم
مير خلك على البيداء ونومتك نومة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.