صياف
الليل يا قلب الزلامي واعرف ارضك من سماك
يمكن تجي وتروح لاراضي ولا زعلانيه
ماخافو العربان من سيفك ولا خافو عصاك
خل العصا فالليل وتحامي بها الديبانيه
رشيد
ياذيب ياللي في توال الليل هيضني عواك
من جوع ولامشعر بالخوف يا سرحانيه
ان كان ما ودك بسيفي خل صوتك في سماك
واليا نغزك ابليس شفنا لك سهوم ثانيه
صياف
ازعلني اللي راح قدامك وخليته وراك
اثر معك كبدٍ تشيل طويق والصمانيه
مدري معك جني يشب النار ولا وش بلاك
اتزعل الراعي لوانه علم الرعيانيه
رشيد
ازعل زعل حربي ولا تنشد عتيبه عن رضاك
يرضونك اللي يزرعون الخوخ والرمانيه
انته رحلت من المدينه يوم ربي ما هداك
تشد من دار النبي وتجاور الهتمانيه
صياف
الظاهر انك عقب ليله وحده تطوي رشاك
وتشد من ركبه وتنزل باوسط الضلعانيه
ياثلب ما نسمع هديرك ما سمعنا الا رغاك
واهل المدينه قفلوا من دونها البيبانيه
رشيد
حنا ليا منا كحلنا العين ما نقصد عماك
نبيك تسرح مع طريق الطير ابو جنحانيه
الله منعنا ماعطانا وانت مدري وش عطاك
مدري سمعنا ما سمعنا والعرب كذبانيه
صياف
لولاك غالي كان طلعنا سنونك من جماك
واللي يشوفك يحسب انك من حد الورعانيه
اذا عطانا الله كتاب الطيب فصلنا دواك
اظن قلبك ينتبه وتخلص الديانيه
رشيد
حرام قتلك يوم اشوفك تنثني دون اخوياك
والمنثني يوم الهزيمه فارس الفرسانيه
حذراك تجبرني على الوعرات لين العن ثواك
بحضور قاض المحكمه نفرشك فرش الزانيه
صياف
صياف ماهو حبةٍ فالجيب تطحنها رحاك
نعرفك عرفٍ زين قبل تجرد الذرعانيه
جاتك عجوز ماعره حطت لبنها فوق ماك
ومن الزعل شلت الهدوم وجيتنا عريانيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.