البدع: ابوعامر
محمد اسمع كلام كنه القصر منصب
وانا لو ابعد عن دروب الرشد والتقى أهويت
كم جيل عايش بذ الدنيا ويا كم فنا جيل
ولا تقول جبت علم الشين والشاذ ليه
الرد: ابوتركي
يامخاوي الذيب جبت الكيف لاتقول من صب
بأخذ علومك الى م البن عندي تقهويت
ماهو بفنجال واحد غير عدة فناجيل
البن والهيل قدامك في الشاذليه
البدع: ابوعامر
مابمشي الا طريق واضح وارحب ارحب
وشلك بدرب الشقى يا قدمي ون تهبطيت
والحمد لله ما صاحبت ناس معاليل
يالله بعفوك قبل ما الطين يردم عليه
الرد:الرد: ابوتركي
الله يحييك ماقلك يكون ارحب ارحب
مادام جيت الظهاره مابقول انته ابطيت
يامرحبابك طوال الوقت يومٍ مع ليل
أخونا وان صادفك مكروه فالدمع ليه
البدع: ابوعامر
من يشرب التتن ويعبه قبال الملا عبّ
وكل يوم وله مصروف وابكيت وابكيت
تلقاه في كل حاره يتعب الرجل جوال
يساير الشله اهل التتن و الخذلويه
الرد:الرد: ابوتركي
الله يسقي زمان السامري والملاعب
ماضي الى ماتذكرته تحزنت وابكيت
ماكان فيه أيباد وكمبيوتر وجوال
ماغير اخذلي طلالت برك وأخذ لويه
البدع: ابوعامر
اسمع ردود مثيل السمن ذا ماسكه رب
وانا بعقلي وفكري يابشر ما تهبليت
والبعض يرقب لنون سابره بالدمرسال
مالقى خيرن من الناوى ولاقا بليه
الرد:الرد: ابوتركي
ياصاحبي لاذكرتك كن بي ماس كهرب
ابليت في حفظ ماضينا بعد وانته ابليت
انا تراني على عهدي وابا ارد مرسال
ان كنت باقي على خبري ولي قابليه
البدع: ابوعامر
نمشي على الدين ما بنحيد عن منهج الرب
ولانطاوع في الونعم منافق وشميّت
مابغي مضرره على غيري ولا ودي اغيل
احب للناس شرح الصدر مبغي رزيه
الرد:الرد: ابوتركي
الكادي اللي بوادي الغيل أحد منه جرب
ياما تغرزتبه ياما قطفته وشميت
ياماشريناها وقطفناها من وادي الغيل
تكفون ياقاطفينه ودي بغيرزيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.