القلب جدد جروحه واحدن لافي
تقول من قلها جاين يسليها
ان قلت أبا أصبر ولعل الفرج يافي
ما أرتحت من واحدن همه يصحيها
والحرف والله ماهو بالدوى الشافي
لوسكن أجروح قلبي ما يشافيها
وأنا أحمد الله ماياصلني السافي
ان جت صبا وان عوالي جت مداويها
الله رفعني وشرفني بميقافي .
واضعاف االنفس حشاماني بحاكيها
ماني بخلط العسل مع سم ارعافي
ما تقبله نفس حر عند باريها
بالعزمن دون مدي بيض وارهافي
ما تنطق الزاهقة ولا تطريها
والشعر بحر سبح به هافي وافي
كلن على قيمتة نفسه يقد يها
طيبه علا والضعايف بالوطاالدافي
والنفس ما تعطي اللي ما خلق فيها
يامتعب النفس راعي النون والكافي
في دفتره من قديم الوقت طاويها
والله ما أنته وحيدن با لحفا حافي
لا بأول الراحلين ولا تواليها
لوكل الارواح دايم جوها صافي
ما يرفع أرواح بعض الناس خافيها
من يبدي الجرح للي فيه متشافي
يجيب له جرح بالدنيا وما فيها
لا يخدعك واحد عن سكته غافي
ما يا خذ الحق من نفسه ويعطيها
ولا تخوي غشيم القلب متعافي
يحفر عن انصاب سكينه ويبديها
بالحرف والله مايسعى ويطافي .
وشلون يمحا وهو عجزان يشفيها
اللي يشابه حروف الجر بالنافي
و يضيع اعرابها معنى قوافيها
من يسمعه قال و ش ذا الروح ياكافي
ما يدري انه على الفاضي معنيها
هذه جيل الرخا والوقت متقافي
وش ترتجي هجرة ماكثر بلاويها
جنب سببها ووكل عالم الخافي0
00النار ماتحرق الا رجل واطيها
هذي نصيحة خوي وخلك اسنافي
0واصبر وقل ياكريم انك تسويها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.