اخذت من شرد القوافي جزالها
اللي تنومسني ليا جا مجالها
اعدها واوقف بها بسم لابتي
الوقفة اللي ترفع الراس انا لها
شاعر وشعري لاهل الطيب ذاخره
واقدر رجال الوفا واعنا لها
هذي عوايدنا وهذي سلومنا
الطيبة ماني مدور بدالها
سلام في حلة هل العز والفخر
روسٍ يظلل فالشدايد ظلالها
عضيان والتاريخ شاهد فعولهم
يوم المواقف مالها الا رجالها
الاد عاضي صيتهم يرهب العدا
فوق البسيطة مثل شامخ جبالها
كسابة النوماس ردادة البرا
هقواتهم ماكل واحد ينالها
منابع الفرّيس والعرف والظفر
ومنابع النخوة ومضرب مثالها
سيّر وتعرف من كرمهم ديارهم
امن الحجاز لقلب نجد وشمالها
قبيلة حب السخا عادة لها
واليا احتمت محدٍ يوقّف قبالها
ابشر باهل عمهوج لامن نخيتهم
تلقى رجالٍ ماتراخى حبالها
من عاد يجهل قومٍ الضيط شيخهم
شيخ الفخر عم المراجل وخالها
شيخٍ على عرش البطولات معتلي
لامالت صعاب الامور ارتكالها
بدر بدر سيفٍ نماري به العدا
سيفٍ ليا حوّل على الروس شالها
ولا آغرّ زيزومٍ تشرف مواقفه
من طيب راسه كل جزلة سعى لها
هذا صنيتان الكرم طيّب النبا
أكرم من مزون تناشى خيالها
ولا بناسي راعي الجود والوفا
شيخٍ يميز دقها عن جلالها
جهز سفير الطيب من طيب منسبه
من لاانجبت مثله خسارة عيالها
وختامها صلو على صفوة البشر
اللي تعاليم الشريعة دعا لها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.