واخلي اللي ما نسيته ولا يوم
ولا لقلبي غير ذكراه سيرة
ان شفت زوله حال من دونه اغيوم
وان غاب عني قلت يالله خيره
اخفيه عن كل الملا وابعد الحوم
واليا طرى دقات قلبي خطيرة
عليه قلبي بين الاضلاع مجزوم
واليوم بعد الله بكفه مصيره
مثل الغرير اللي عن الديدمفطوم
أيدينه أقصيرة وعينه بصيره
ينزف وفالحالين ماهو بمرحوم
وتهون مع نظرة نفوس حقيرة
امدورة للخلق غرات واثلوم
ومطولين الشرح لوهي قصيرة
ياعاذلين القلب بالله عن اللوم
يفدا ه مني كل خل وعشيرة
وأفداه من تثني يمينه عصا القوم
واللي ليا عمسن الاريا تشيره
والله لوماهو معي دايم الدوم
ما تغفرأذنوب الليالي بغيره
خلي عليه من السعدخمسه انجوم
ومن الرضا له ما يبيح السريرة
أركا على قلبي من اعيونه اسهوم
ومن الغلاسيطرعلى الجو طيره
نجواي في علمي وسلواي فالنوم
والله يبيحه من عيون شريرة
واعن الودر بأبحور الافكاروالعوم
كلن على ماقيل يرضي ضميره
حزة ضميراللي عن النقص محشوم
لانقص مقسوم ولا جال نيرة
وان كان ماحيا عن البوح معصوم
كلا يبي يبرد لهايب سعيره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.