قبل اشهر اواسيك في وفاة غاليك
واليوم في وفاتك من يواسيني
اخاوي الدمع ياعيني وابكيك
ضاعت معالمي وبان الشتات في عيني
ابيك ليتك ترجع والله ابيك
انا احبك والقلب في فراقك معنيني
ياعبدالله الطيب اجمل مباديك
مع هذا في وقت خوفي تحاكيني
ارجوك رد الصوت انا اناديك
ارجوك قول انا حي حلّي سنيني
من خبر وفاتك وقتي يحتريك
حرام تكون بعيد ياروحً فيني
ارتجي رب الكون في الجنه التقيك
انا عطشان لقى والحزن مخاويني
صوتي ندهته ماجاوبه طاريك
ليه صوتك راح وما حٓيَّ حنيني
قالوا انك مت وضاعت حكاويك
في صوت الحزن انصغت عناويني
ارجوك رد انت قلت ماراح اخليك
ارجوك رد ابي صوتك يرويني
وينك انا بجي عندك ياقلب مغليك
ان كان ما تقدر في هاللحظه تجيني
البارحه اسولف عن ايامي مع ماضيك
الين تجرح الهدب مع مسار خديني
قريت رسائلك يوم كانت الروح فيك
وبكيت الين انكسر كل حلمً زيني
ابكي على صورك واتذكر مسكة يديك
واتذكر احلى الكلام بينك وبيني
فاقدتك عيني يابعد قلب راثيك
وفاقدك قلبً اصبح بعدك حزيني
بختصر جرحي واردد ياقلب الحزن طاويك
دام اللي تحبه عيونك صار دفيني
والله ياعبدالله ماعاد اقوى ابكي عليك
تقطع قلبي وتمزقت اجزاء شرايني
ياعبدالله افتخر اني كنت بيوم مخاويك
وافتخر ب الاسم اللي كنت فيه تناديني
الله يرحمك يا فرحةً راحت مع خطاويك
الله يرحمك يا ذكرى بقت فيني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.