تكفون ياهل السوق تكفون تكفون
!سوق البدو سموه سوق الحضاره
اسمه على الماضي وحاضرماتدرون
الزين تاره فيه والحب تاره
عزالله اني صرت فالحب مسجون
من واحد(ن) ولع على القلب ناره
شفته يطالع ويتخطى على الهون
اميرزين ان كان للزين اماره
وقمت اتبعه هايم وعاشق ومفتون
واونس على كبدي سواة الحراره
وارسلت له نظره مابا الناس يدرون
حق(ن) على الرجال يحفظ وقاره
واشر بشأره حولها السر مدفون
فيها يقول الحر قد الاشاره
وشلون اسولف معك والناس يوحون
هذي على شرواك عيب وخساره
وحاولت ابا العنوان والا التلفون
وإلاَ يعلم بالسكن في أي حاره
وأقفى وقال اهلي عليه ينادون
وصاروا هله بيني وبينه استاره
ومشوا مع المغرب وموترهم اريون
وأنا ورا الاريون ماسك مساره
وهديت فالسرعه لجل ما يشكون
وراحوا وأنا اتخرت عند الاشاره
وقطعتها قدام عني يروحون
ابعرف المزيون من وين داره
وليا المرور يقول وقف يامجنون
هذي تبيها جهل ولاشطاره
قلت الله اعلم قولوا اللي تقولون
قال اعطنا ألاثبات والاستماره
واسمع ترا قدامك السجن مضمون
جزاك واللي مثلك انت اعتباره
قلت اعرف الممشى وللمشي قانون
قولوا وش الاسباب ياهل الاداره
ياليتكم باللي حصلي تعرفون
الحب عله والذي صار اثاره
وعطوني المقسوم والسر مكنون
وانهيت وضعي واحتفظت بقراره
ومشيت مدري وين دربه ومغبون
بعد الحلاوه ذقت منه المراره
وامسيت بالتفكير والضيق مشحون
والحزن علق فوق صدري شعاره
لاكن ابصبرغصب والصدر مطعون
واصبرعلى كسر(ن )صعيب الجباره
لوكان قلبي راح به معه مرهون
وارسل علي الشر واقفا بخاره
قصه حزينه بين عاشق ومزيون
بكتاب طعم الحب قسم النذاره
وختامها قررت وبليس ملعون
ماسير لين اصلي الاستخاره
حسين الكايد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.