المرجله. لـ دغيم الظلماوي

المرجله - دغيم الظلماوي

المرجله بيره بعيد المجاذيب
على بعض ناس ٍ عسير ٍ متله

حشته ونشته يا نحاز الاجانيب
حيثك مثل حر ٍ ضرب له حبلّه

حشته بعدواتٍ بروس المراقيب
لا غبت يا حمض الكبود المغله

ياطير شلوى ما لقي بك عذاريب
لو تستحي ما تجمع الطيب كله

إنت الذي تلفي عليك المراكيب
حين ٍ غلا يا مير واحيان ذ له

يا مير طيبك ما لقي له حواسيب
ظلما وغدر وتايه ٍ مستد له

يا بو اليتامى والأرامل ومن عيب
وابو لمن صار العصا ثالث ٍ له

لا جا يتوكى فوق عوج المصاليب
لامال وقته صرت إنت ولد ٍ له

تكفي محاليب ٍ وتملى محاليب
كبد تيبسها وكبد ٍ تبله

مده رهن لولاك ما قلت يا كليب
ولا قول شب النار : صر موقد ٍ له

في ليلة ٍ تجدع سواة المشاهيب
نسرية ٍ تلصق خليل ٍ لخله

نطعن بعزك يا حصان الاطاليب
عسى اللي يجمع حزمتك ما يفله

يالجوهر النارينز يالمسك ياطيب
يا عنبر ٍ مع ناقله ما يمله

إن كان هرجي به عليكم عذاريب
سامح عسى من عقبك لألف حله

ولا انسى حمودٍ راس حصن المطاليب
لا خالف المسمار بالقاز تله

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.