سلامٍ ازكى من بخور العود
وازكى من اليشموم والكادي
سلام ينصى اخوي ابو فهود
مشكاى لامن حد ني حادى
اسمه مسجل في سجل الجود
ويعد عندي شيخ الاجوادي
بين النشاما دايماً معدود
وان غاب كلٍ عنه نشادي
حقايقٍ عندي عليها اشهود
اشهود من حاضر ومن بادي
عساك تحيا في هنا وسعود
وايام عمرك كلها اعيادي
واليوم اباعنز لك المردود
مثايلٍ هاضت من افوادي
البارحه والعالمين ارقود
اتقول بالاعماق وقادي
والقلب يابحر الصخا ملهود
اتقول ناشة سوط جلادي
واسبابها غدر الليال السود
اللي عليّ اسيوفها احدادي
مما جرى لي يا مفيد الفود
اعتفت حتى الشرب والزادي
واقول انا ياليت عندي ذود
احوف به من واد في وادي
احب انا الصحراء بليا احدود
واحب واعشق جوها الهادي
اخصوص لا هبت هبوب النود
والا ليا من دن رعادي
لا اشوف لا عابد ولا عبود
وافتك من عايد وعوادي
وابعد عن اهل الحقد والمنقود
امولعت نيران الاحقادي
ياجعل دار اهل الردى بسكود
يهوي بها والقوم هجادي
والوقت قيدني بغير اقيود
وامرار يتفنن في ازهادي
لا صار دخل الاجودي محدود
وش حيلتة في دفع الاقصادي
والرزق بيد الواحد المعبود
ماهو بيد احمود وحمادي
واشوف جفت يبن ابوي اعدود
تروي من اول كل ورادي
وان كان طق العود راس العود
لا تسمع النشرة من الرادي
و الختم صلى الله على المحمود
اللي بعثه الله لنا هادي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.