رثــــاء - عبدالله لافي المطيري
يالله يا عون الذي يرجي العونيا مسبّب الاسباب ، يا رب الاربابياللي جميع الخلق باسمك ينادونيا غافر لعبدك ،، ذنوبه ليا تابجيتك وانا من سيف الاقدار مطعونفيك الرجا والعبد لا جاك ما خابقد لي شهر وايام والقلب محزونوكبدي تفوح وصافي الدمع سكّابوبيّن بوجهي ماورى الصدر مكنونوشابت عيوني في غيابه وانا شابصحيح غاب انسان غيره يغيبونلكنّه اغلى من سكن عيني وغاباقراب واصحابً بقلبي يطوفونلكنّ قدره فوق ربعي والاقرابيا حر عينً ، لا ارمشت تذرف مزونواليا اسرحت لحظه ، بدا المزن ينساباصيح ، وابيات القصايد يصيحونبفراق من واجه مصيره ، ولا هابلا طاب لي معنى ولا طرق ولحونولا بعد فرقاه .. . لذّ الكرى طابما عاد اميّز بين صاحي ومجنونولا عاد افرّق بين طالب ، وطلاّبما دام ابو سلطان قفّى عن الكونلنا على الدنيا مشاريه وعتابالبارحه جرحي تفتّق على الهونوتقطعنّ عروق قلبي والاعصابوسقت القدم لخيام حزني وما دونومسّتني الضيقه مثل مسّ الاطنابومرّتني الذكرى مع اللي يمرّونتفتح علي ابواب وتصكّر ابوابمن مختلف الانواع والشكل واللونشفت العذاب وكشّر بوجهي النابآدوج وآنا في دجى الليل مسجونغريب عن نفسي وعن كل الاغرابوأخيل مشراف التمنّي ومغبونواراجع اللي فات وآحسّب حسابسلطان ليتك تعرف الموت وشلونما يلتمس لعمارنا عذر واسبابوابوك .. لو قلنا ومهما يقولونما تاصل افعاله مفتّلة الاشنابياما رجال بفعل ابوك ، يتغنّوناللي يفكّ ارقاب ، ويقطّع ارقابما كان ينشر موقفه بالتلفزونولا يدوّر من ورى فعله ، اعجابعزّي لكم يا لابتي ، يا ذوي عونبغياب من لا يشبه غيابه ، غيابخلوني ابكي طيّب الذكر تكفونولا تعذلون اللي فقد خير الاقرابانا ادري انهم .. . بالبكا ما يردّونوإنّا من تراب ، ونبي نرجع ترابما غاب عن عيني رجل غاب مليونوتساوت الروس بغيابه ، والاذنابما دام ابو سلطان بالقبر مدفونعليك يا دنيا مشاريه .. وعتابارثيك ياشيخً على الطيب مسنونبابيات اخلّدها على صفحة كتابعسى الله يبيحك عدد ما اشرق الكونويسكنْك بالفردوس مع خير الاصحاب
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.