ليت لي في كل ديره رفيق(ن)مثل ثامر
طيب(ن)يقوم بالطيب لناس ورفيقه
بيض وجه ثامر وهو غايب وحاضر
بيض وجه من سر بافعاله فريقه
الطيب السمعه ليا حل لهل الطيب ذاكر
ماهو باللي للجماعه ولقرابه عليقه
وماهو باللي بالفعايل وبالقومه يكابر
بس راع المصلحه في مدى عمره صديقه
والمراجل ماهي سهله تبا رجل(ن)يثابر
ويرتكي للحمل فيها لونه مايطيقه
ولاتهيا غير للي على الشدات صابر
والمنايا دونها والماخطر ماتعيقه
ولوصو المرجله بعد حكن بالصوابر
ودونها بحرن مايلقا بغباته غريقه
مارجع لو دونها الموت في وسط المعابر
والخبر بالموت مثبت من رجال الحقيقه
لنه ابن اللي يدوسون لنخوى المخاطر
مايحسب رجلهم للمنايا في طريقه
لرجلهم يارد على الموت في نفسه مغامر
بالشجاعه بالسنين الجديده والعتيقه
اهل الفزعات في يوم هدات ومخاسر
لاشكى رفيهم من عنا الايام ضيقه
الحرار اللي بالوصاف والهده نوادر
وسيف موت(ن)يرهب الخصم بالسله بريقه
وعل عز اهل الكرم والوفاء والطيب عامر
والردا واهل الردا للمشاكل والحريقه
والمراجل ماهي بالمال ولا بالمظاهر
والردي مانشف بالطيب والفزعات ريقه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.