باسم ربعي بعيدين الهقاوي فزعة المضيوم
هلا يامرحبا بضيوفنا نورتو الديرة
تراحيب المطر والغيم باقي تقتفيه غيوم
مزونه مروية والسيل من عالي محاديرة
نرحب بالضيوف ونحتسيهم بالحشو والكوم
وعود ازرق وكيف بدلته موزون تبهيرة
تحية للشيوخ الحاضرين قروم صف قروم
وكلا في الوجوب ينوب ما يحسب مخاسيرة
نرحب بالنشاما والعلياني قوي عزوم
مكمل لازمه فوق اللزوم وزاد تقديرة
جزيل الشعر حضرته ليوماً مثل هذا اليوم
اغني بالقصايد والفرح هلت تباشيره
اغني بالقصايد في حفل خالد عميد القوم
عميد بقيل ربعي طيبين الذكر والسيرة
عميد ورتبته يازينها تاج وثلاث نجوم
عساها ياطويل العمر فال الخير والخيرة
نهار العيد يوم ان المليك مصدر المرسوم
وثق فيك المليك الي يعيش الشعب في خيره
نبارك لك وجينا بالقصيد الي تبي منظوم
سلامي والقصيد بشخصكم يازين تعبيره
حضرنا في حفل خالدعسى الافراح تبقى دوم
حضرنا له ونمشي بالوفا والطيب ماغيرة
يشرفنا العميد ورتبته ما جابها بالنوم
رجل في خدمة الدولة بذل وقته وتفكيره
على يمنى القبيلة في المراجل يشتري ويسوم
وفي الميدان قائد يامر وينها طوابيره
ورجالاً وصل رتبة شرف بالمعرفة مدعوم
يجي منصى وله قيمة وله وزنه وتأثيرة
ومن يسعى لكسب المرجلة صابر عداه اللوم
ومن يبغى نجاحه بالعمل يدفع فواتيره
ومن يمشي وزادة طاعة الله مايجي محروم
ومن ضيع طريقة بشرة بالهم والحيرة
تجمعنا بليلة طيبة فرحة وحب خشوم
وهذا حفلنا بحضوركم يازين تصويره
فرحنا بالوجيه الطيبة وبليس ماله حوم
ذكرنا الله ونمشي بالوفا والطيب ماغيره
هذه القصيدة في حفل بمناسبة
ترقية العميد . خالد بن عبدالله العلياني السلمي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.