قصيدة في حرب
سلامي على اهل الحفلة التي تسر البال
مساكم قصايد والقصايد بكم تزها
بحفلة رجل شاعر وراعي علوم جزال
ويمناه بالمدات محمداً تجاوزها
نعرفه رجل حربي وصل عالي المنزال
على جية ضيوفه دلاله مجهزها
أبو ياسر الكاسر معرب جدود وخال
علوم الوفا دايم بيمناه حاجزها
نصيته وفي راسي قصايد وضرب امثال
وأنا واثق الخطورة على الله معنزها
وجيت المكان العامر الي قوي ضلال
وسيسانه ايدين النشاما تعززها
نصونا بفرحة غامرة تسبق الفنجال
ماهي مثل فرحة قوم حافز بحافزها
نشاما قبيلة حرب في كل وقت ابطال
يفوزون يوم الناس تاخذ جوايزها
تبين شجاعتهم ليا صار وقت قتال
تشوف اعنف العدوان تكثر جنايزها
وتلقا الصبر فيهم على الحل والترحال
يوم ان النفوس ادناة حاجة تنرفزها
رجال الكرم والجود تغمرك باستقبال
وتسعى لأجل عازتك لو ما تعاوزها
ولو تزهم الحربي يسد الزوم بحال
ليا من هبد صدره مطالبك ينجزها
ولن جيت منهم شيخ تلقا الكرم ينهال
وعنده مكانه عاليه قدر حايزها
رجال الوفا والطيب من ماضي الاجيال
وهذا الذي بين القبايل يميزها
اقوله بدون قصور في باقي العقال
رجال الوفا واجب على الشعر يبرزها
وأنا من سليم اهل المعاريف والافعال
من رجال دايم ثابتة في مراكزها
ولايوفي الشاعر عن سليم مهما قال
وهذي علومي كلها جبت موجزها
وابعلم النصاب واعلم المحتال
تبيلك طماعه من ورا حربي انقزها
شعر
عبدالله مسلم السلمي
هذه القصيدة في حفل زواج ابن الشاعر
عبد العزيز الشيخ الحربي في جدة
وكانت مدح في قبيلة حرب ونالت استحسان الحضور
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.