كل يوم الوقت يسرقني على حْساب الاجر
والدقيقة مالها تثمين عند الثانيه
والحياة دروب واللي ملتهي فيها البشر
بين من هو رابح فيها ومن خسرانيه
دون درب الخير وافعال الفلاح دْروب شر
كلها فتنة تزايد بالحلا فاعْيانيه
لو اطيع النفس فيها طحت في وسط الخطر
كلّ وقت اردّ عنها نفسي وشيطانيه
في متاهات العمر كلٍ يسوّي له ممر
ما يصيب الحق غير اللي قوي ايمانيه
والخطا يا كثر ورّاده وكلٍّ في كبر
لو نشدته مستحيل يقول انا غلطانيه
يابْن آدم في حياتك كل ما زاد العمر
زيد بالحسنات وانته بكره الربحانيه
واغتنم صيد الفرص في كل وقتٍ لك تمر
لو يفوتك صيدها ما يعترض لك ثانيه
وْما يفوتك لا تحسّف خله دْروس وعبر
مالك الا ما عملته شرّ والا احْسانيه
والنهاية درب واحد عنه والله لا مفر
والحساب العدل من ربك على الميزانيه
فيه روحك صاعدة يمّ السما حيث الخبر
يوم ما ينفعك مال وجاه والسلطانيه
والحصيل اللي زرعته تآتشوفه لك ثمر
يا عنب .. يا حنظلة .. والنفس هي الجانيه
يابْن آدم عيش في دنياك زادك للسفر
للحياة الباقية ما دام هذي فانيه
لا يغرك حالها لو زان لك خله مهر
للجنان الخالدات ام القطوف الدانيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.