أنثى عجيبه ...! - صالح بن عمار
الجادل اللي غيوم الشعر تنصاها.بالوصف تمطر لها القيفان عطريه.الوجه بدرٍ تجلاّ ...... في مراياها.انسية الاصل .! والتشبيه حوريه.الشَعر ليلٍ ....... تقفاها وعناها.تنسف ظلامه على ذرعان مبريه.ذرعانها من بروقٍ جوف منشاها.لمعاتها ..! في ظلام الليل حصريه.والعين عين المها صوره وصفناها.والرمش تلقا على الخدين له فيه.الخشم سيفٍ تسلّه من مزاياها.يطعني الزين .... والاقدار معفيه.الروج عاش الوله في لمّة اشفاها.في ثغرها ...! ذاب علويه وتحتيه.اليا لحقنا الظمآ نارد على فاها.به شربةٍ من دفا الاشواق خمريه.في صوتها نغمةٍ .. حللت معناها.بين الوله والغلا همسات سريه.تقدح خجل لو لمسناها بيمناها.ثلجية العنق.! والوجنات ورديه.اللول كنّه في مبسمها وثناياها.متعطره بالنفس .. بالجمر محميه.انفاسها لو تشم الورد يهواها.وان شمها لمها ... صوره غراميه.اليا اقبلت حبتين التين تزهاها.خرّافها ... صابته حاله جنونيه.مياسة القد ..! بالانظار نرعاها.في كل خطوه تزيد الكيه بْكيه.مبرومة الخصر لو الجوع يلحاها.مزبورة الردف.! والافخاذ ممليه.حد الخصر جوع للردفين ينخاها.واردافها كنّها ... بالبخل مبليه.اليا مشت يسرق الانظار ممشاها.متبختره بين مشدوده ومرخيه.احد شوفي ويرجع غصب يبراها.لو شوفها يربط النظره مع السيه.مابين هَزّه .... و رَزّه في مزاياها.ذاب الخفوق المولع ..! فز جنيه.يرقص على هزة الارداف غنّاها.فكرٍ رسمها .! على لوحات فنيه.الوصف نادر.! قليله في حلاياها.قطنية الخد ..... والكفين قطنيه.تمكنت من خفوقي زان مرماها.صابت وريده وفزّت لجلها النيه.شرقية الذوق شرقيه في مرباها.حتى دلعها تحلاّ .. فيه شرقيه.بين المحبين .! قلبي من ضحاياها.هذا اعترافٍ لها تسقط به الدِيه.وان قاله الله .. وعانقنا خفاياها.بتشوف بعيونها صوره لها حيه.تنقش غلاها وتنقشني عطاياها.مابين روحة مشاعرها مع الجيه.اوصافها في جبين الوقت تلقاها.مكشوفة الوجه للاجيال مرئيه.أنثى عجيبه.! لها القيفان جبناها.هديةٍ من خفوق الود مرويه.
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.