في مصر
ولا تعليم ولا وظيفة ولا فلوس
وشعب محبط وعلي حلمك يدوس
يمكن ظلمناها وجيلنا هوا المنحوس؟
تقول لوالدك اسيبها يقولك يابني بلاش
فين الوطنية دا زي خير مصر ابدا مشفناش
ياحج دا ماضي راح خلاص ومات
عايزني اقعد هنا وابكي علي اللي فات
وكل يوم اقولك هات وهات وهات؟!
انا مكاني مش هنا وكفاية بقي سكات
اتهان في بلدي واتظلم
ومن كل خيرها اتحرم؟!
كفاية بقي سكات
بيقولوا عليا كئيب
ماناعايش في بلدي غريب؟!
ماشي ورا احزاني ومعاها بغيب
كفاية بقي سكات
عايش في بلدي وسط اهلي وحيد
عايش ولا اكني فايدي حديد
مش فارقة,
عايش فسجن بردو وفيه كل الجديد
كل حاجة معكوسة والحظ دا اكبر عنيد
كفاية بقي سكات
عايش من وهم لوهم
وخلاص مبقاش فيها اي مهم
قالي اصبر,
ازاي وقلبي مشروخ
جهل وتخلف والكل بنفسه ملبوخ
مش بيدوروا غير علي شهوتهم والمطبوخ
كفاية بقي سكات
قلت اجرب واصبر
سمعت اللي بينادي ويقول سكووووووت
واتاريه قلبي بيقول بموت
طب لو مات قلبي هستني ايه تاني
وكفاية هتموت معاه كل الاماني
وحلمي اللي بيطير هيوقع معاه صريع
دا هوا اللي حيلتي واللي بعده اضيع
كفاية بقي سكات
دمعتي كل يوم علي خدي
واقول ايام وبكرة تعدي
دخلت مع الصبر تحدي
يا مصر لو دا شعبك! قوليله شوية يهّدي
ضاع بالجهل الشباب
راحوا ورا الهباب
مخدرات و....
وكتيييييير الف والف باب
كفاية بقي سكات
ملكش راي,
انت مش موجود
عايز تقول رايك الحل بعد الحدود
لحسن تتعلق و العذاب مش محدود
كفاية بقي سكات
نتخانق علي كرسي وبلدنا مادة ايد الغريأ
ولا شايف ولا سامع ولادها ولا حتي صديأ
وبينا وبينها يطول الطريأ
كفاية بقي سكات
عايزين الكرسي وقالوها بوضوح
ياناس دول كلهم كذابين وامرهم مفضوح
بس الناس اتقسمت ومشوا وراهم وقلب بلدي مجروح
كفاية بقي سكات
كله بيدور علي نفسه ونسينا بلدنا
ضعيعنا الحاضر والمستقبل و شرفنا وامجادنا
كفاية بقي سكات
صوت الشريف مش مسموع
وينادي قلبهم الموجوع
ولااااااااا اكنه هنا
وانا مكاني مش هنا
كفاية بقي سكات
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.