ياقلب

لـ سعيدبن يحيى الزهراني، 20/03/14 06:05:41 PM، في غير مُحدد

ياقلب - سعيدبن يحيى الزهراني

يقول أبو ساعد اصبر لو حملت المهمات**
*والصبر زاد الذي درب العنا قدهبش فيه

ما اباتطير من البلوى وقد شفت همات**
*حتى العقول الرزينة لو درت ترتبش فيه

في وقت ضيق يعاندني ويرسم لي أزمات**
*كنه يحذر يقل يا صاح لا تبتلش فيه

العقل سارح وقلبي له هدف فيه لزمات*
**يبغى بلوم المرام بعلم هو مندهش فيه

أثره بوسط المقاحم صار في ليل ظلمات**
*قشف به الحال يزهم وقتها والبلش فيه

ظلمه ظالم ويومه فالجزاء اشد ظلمات**
*باسم الهدى قال قلبك شفي انك تشفيه

وإحنا عبرنا محيط الموت وأقرا العلامات**
*تقرا المهالك وهلك الهالكين العطشفيه

رد العقل وقتها والقلب صابته رجفات**
*وقال يا قلب بأنشد عالقبر من نبش فيه

لو طال صمتي تراني عارفن كل مافات*
**الرسم والوسم يشرح كلما ترتعش فيه

لاتزرع الفتنه ثم تحصد ثمرها لك افات**
*ممشاك ما سرني يا قلب ما تنتعش فيه

خل العزيز الي تحكي لنا عنه وقفات**
*لامسك الضر ما تلقاه ويبين وش فيه

جولاتهم بالرخى لو طفت ياصاح طوفات**
*بالمية واحد يبين ولاتقل شفي اشفيه

لوطال عمرك تشوف اصناف منهم الوفات**
*بالكون كثر الحصى ما احد غدا للبلشفيه

ولا الجواهر تراها بينه بالوصوفات**
*الغالي اللى ندر والماس ما تستغش فيه

والورد لو داسته الاقدام في وسط زحمات*
**يفوح ريح العطر مثل الذي قد ترش فيه

يا قلب انا انهاك لاتجهل ترا من جهل مات***
واللى توفي ترا ما عاد له طب يشفيه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.