ياما وقفت لمن قعدلي على ساق
ومني رجع في كوبته والفشيله
لوقلت لي عقاق ماني بعقاق
دونك وقفت بوجه مغزى مطيله
خذ الخبر والحر يالحر مباق
واطن على شر العميل وعميله
عندي خبر ومكشف(ن) كل الوراق
علي مايمشون خدعه وحيله
قل للغبي يزعل ويرجع ليفاق
ومن ضاع انا له في طريقه دليله
ماهو بانا اللي سهل مسكه ومدراق
ولاني بضب مكانس(ن) بالنثيله
ولاني بجربوع(ن) حفر كم منطاق
ومنطاقته تلقى ويمسك بذيله
اعرف عدوي في كلامه والاذواق
وفطن لهرجه وين نوه وسيله
والغيب عند اللي لدنياه خلاق
علام ماتخف النفوس الثقيله
وكثر التجارب درس مكسب لمشتاق
للمعرفه ودروسها شد حيله
فيها اجتهد ماباد حليه ولا ضاق
العلم شفه والمراجل حصيله
واللي جمع علم ومراجل مع اخلاق
هذا رقى بالمجد راس الطويله
ماناش راسه من اهل الحقد حلاقه
يعرف عدوه من صديقه باليله
من هرجته يعرف بماتكن الاعماق
وتنبيه عن خافيه يوم يحكيله
لوكان هرجه عذب لنفس سراق
يجامله يالين يطلع حفيله
ويدري عن اللي فعلهم طاق طرباق
اهل العقول المارجه والذليله
اللي ليا شبت ويبس(ن) الارياق
لاذوا بوسط البيت عند الحليله
لاوصلو من طاعهم حبل الاشناق
تولو امواله وداره وخيله
وخلو عليه الحكم ممنوع الاعتاق
وفنوا وراه العايله والقبيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.