يابعد عنك الخيال اللي تخيلبه
ويكبر شرهتك يمي يادغيماني
ماباقي الاعلي السيف تشهربه
وبقدام رجليك قدام الناس تاطاني
والخبث والحقد قدم الناس تجهربه
ولاهمك النقد من قاصي ولاداني
ملكت دارن لفيت لها من الغربه
وتبي تبيع الحمار ابقيمة حصاني
فيها تمد السان وتشهر الحربه
وكونت لك شلت(ن)فيها وصدقاني
ياخاين العهد والميثاق والقربه
يابايع الربع والديره ولاخواني
مثلك عسالله يبعد داره وسربه
لاصار مايكرم الاخوان والعاني
ويطيح بمطمتن بالنار تسعربه
والله يحذفه بشر الناس وحداني
وعساه من طيحته فيه يتعوربه
ويمسي ويصبح من الوعات زعلاني
ولايقبل العذر منه ليا تعذربه
ولعل راع الفتن بالعمر ينهاني
ورفيقه اللي لمصلحته يتاجربه
الله يكشف خفاه ابكل ماكاني
الله يبلاه بالاشرار والكربه
وعساه ياتيه في دنياه مجاني
ولا يرقد الليل يسهر مثل مسهربه
ويذوق ماذقت ويشوفه بالاعياني
حتى من الوقت يشك الضيق والضربه
ويبلاه بلواي في ديني ودياني
ويبلش بدنياه في زاده وفي شربه
ومعه عسالله يبلا فلان وفلاني
اللي علينا نفخ من جيته ذربه
يدور العز من كوبان كوباني
بالكذب يملاه ملي االمئ بالقربه
ومنتاز بالمكر وهو مكرر الثاني
كل(ن)على نكبت الثاني نفخ غربه
مافيهم اللي ماهو مكار وهداني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.