من البعد ملعوط ..!
لـ صالح بن عمار، ، في غير مُحدد
من البعد ملعوط ..! - صالح بن عمار
دام اللقا ماهو مقيد ومشروط.إردي ترى عد الغلا ناضحٍ ماه.تلقين ودك ..! بالمعاليق محطوط.ديباج فرشه ماهو للبيع تلقاه.متى ... ترى متى ثلاثية انقوط.اليوم والساعه وتاريخ ترضاه.ياما كتبت بقطرة الدم مخطوط.اليا قريتيني .! لك القلب يقراه.ودام الوله بالنبض تلقاه مربوط.ترى وريد النبض بالروح ميناه.الحب مايسرق ولاهوب ملقوط.يكبر مع الاعجاب ويشيخ بالآه.ميّز ترى ودك بالانفاس مخلوط.عطّرت به جوفي وحرفي ومعناه.بالعمر حددني اذا الجو مضبوط.نلبس ثياب الليل ويزين مسراه.اغازلك ولهان رايق ومبسوط.اسكر على شوفك وريقٍ ثملناه.تعال مادام الوله قاطعٍ شوط.عطّر خفوقٍ بالخفا كنت تهواه.ولهان .! لكني من البعد ملعوط.للبعد جمره ... تحرق الود تمحاه.ودام اللقا ماله مفاهيم وشروط.لا تحرم المشتاق ... حضنٍ تمناه.يبقا الوله يازين للقلب مسفوط.مادام حبك.! بالشرايين مجراه.
عناوين مشابه
|
|
|
|
|
|
|
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.