ليلً سرى يجلب طواري وزفرات
لين الحقيقه بينت ما وراها
فكرت بالماضي وضايقني الات
درسً خذيته من سنينً مداها
ماكل نجم يبين الاتجاهات
من لاعرف عن جديها في سماها
ولا كل من عدى بروس الطويلات
مثل الذياب اللي تجاذب عواها
البوم في عشهه وللحر هدات
تجلب خيار ارزاقها لمن بغاها
خطوه قصيره ما تقرب مسافات
شبح الضعيف اللي حياته فناها
ماله عزوم تصخر المستحيلات
همه غذاء نفسه ولقمت عشاها
استغفر الله ماني الهم بشمات
مار الخوافي تو نور فضاها
نمشي على وضح النقا والجزيلات
نسعى لها واللي بحثها لقاها
وعلم الرجال اللي لهم بالصعيبات
كسب الزمان ومحزمً في خباها
عشنا الحياه وبانت النا اختلافات
نكس بها روسً غررها دهاها
حنا بهالعالم مجرد عصابات
الصاطيه تصطي على اللي وراها
راس يروم المجد سل الرهيفات
وحنا على اللي فات نتبع خطاها
من يصنع التاريخ هو حي مامات
يبقى بصم كتابها لا طراها
دنيا الفنا تبقى مقر الشهوات
ما تنفع اللي سايرً من وراها
هاضت خفوقي تالي الليل الابيات
وغنيت والاحزان بين صداها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.