ماهمني زينك ...... ولا كثرة المال.
مايرفعك لو طالت اكفوفك سهيل.
اللي يهم القلب .. تنشد عن الحال.
وتقرا المشاعر بالضلوع المداخيل.
لا تغرك ايامك .. ترى ضلعها مال.
قدام عيني .... شفتك تحط وتشيل.
افتح خفوقك واكتب اعيون رجال.
حس وتذوّق كيف طعم المراسيل.
ادري غرامي بين الاضلاع يجتال.
تصهل بك الاشواق تزهم لها الليل.
شوفتك عندي بالهوى كل الآمال.
الشعر تاجك والفصوص التفاصيل.
انا انتظر اربع حروفٍ على البال.
كلمة (تعال) وموعدٍ فيه تحليل.
فكر وسدد لي جوابك على الحال.
ساعة زمن وانته عليك المواصيل.
متى نشوفك مهرةٍ قدم خيال.
سرجك غلاه وسيف يمناه تدليل.
الجوف ممحل.! والظما فيه نزال.
متى نخل بغداد يشرب من النيل.؟
ودامك ركبت الموج بالبحر جوال.
لا تآمن الطيحه ... ولا تآمن الميل.
الوقت لو يصفي يجي يوم يحتال.
يفتل عقابك .. في عيون المقابيل.
ماني بثرثارٍ ........ ولافيني اهبال.
شاعر يغوص بحور ماهمه السيل.
لو كنت قمه فآنا من فوقك اخيال.
وان كنت قاعٍ مابرد فيني الحيل.
انا الرعد في داخل الغيم شعال.
ترقبني عيونٍ هواها المخاييل.
تمت لو ان الناس تشعلني اشعال.
في قفلة ابياتي .. تجيك المحاصيل.
طبع الرجال اليوم خاين ومحتال.
الا أنا وشرواي من حاضر الجيل.!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.