ذيك المهمه ...! - صالح بن عمار
كان الغلا دونه رجالٍ مناعير.الحل ياسهله ... وانا ربعي مطير.وكانه تغلي مع تكبر وتقصير.اقول ..... عيب الحب فينا ومنا.ياشيخه .... الحفله عليها وصايا.مثل المشاعر في صدور البرايا.لا تغرك الصده و وجه المرايا.الليل ..... عانه من سواياك ونا.لا شفت رقمك فز قلبي ونادى.ارحب غلا بعروق دمي تعادى.ابسألك .. ليش الغياب يتمادى.يوم انفتنا ....... بين انسٍ وجنا.السالفه ماهي قضيه وتحقيق.السالفه حبٍ ويحتاج توثيق.تعال ابفهق لك ضلوعي بها ويق.شف ليه قلبي بين الاضلاع حنا.انا شريتك بالصراحه مع الناس.ماهمني قول العواذل والافلاس.البعد سمه لو تملاّ به الكاس.تراه عندي ....! مثل فنجال بنا.انا شربتك بالوله والصراحه.ياذوق قلبي في مساه وصباحه.دور لنا بالوقت فرصه متاحه.ذوق الوله من واحةٍ في وطنا.اشتاق لك شوقٍ تزايد لهيبه.ليتك تشوف القلب ليتك قريبه.نرثع مع الايام والقلب عيبه.الحظ ثاوي .! والفرح صد عنا.تعال ..! يكفيني من البعد همه.في مدخل الشريان قطرات سمه.تمت من المرسول ذيك المهمه.!لايكون في غيبتك تنسج كفنا.مدينةٍ بالروح ... قلبك ملكها.حتى طرقها.! مآبه احدٍ سلكها.الصبر يبنيها .. وبعدك هلكها.فيها مشاعر لجلجت من سجنا.تعال عانقني.! تحسس شعوري.وقع على ودك وتمم حظوري.اصدر قرارٍ فيه فرحة ظهوري.بشربك بعيوني ..! واغني لحنا.مديت بكفوفي ..! خفوقٍ تحبه.هديةٍ ..! لجل الغلا مستحبه.ارويتها .... من نهر ودك محبه.اشرب غلاك وخلنا في وهنا.ادري تحب وتخفي الحب عني.باحساسنا.. والله ماخاب ظني.تجفل كأنك خايف اليوم مني.وانته.! بذورك في عروقي نمنا.قلبي وطن قلبك وغيرك نهرته.ومنهُ تعدى للوطن لك نحرته.تعال نسهر ليل قبلك سهرته.على وجار الشعر وصفك تغنا.
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.