هو ليه ما ننظر لها قبل ماتصير
كوارث ويصبح بها الكل حاير
الكارثه لو مال يتعوض بغير
المال غيره مال والمال طاير
الكارثه لا لحقت النفس تقصير
اهمال والا جهل عمي البصاير
كم كلفتنا طيحت البنت فاالبير
من جهد ومن ارهاق ومن الخساير
من ليلة الحادث وحنا بتفكير
لليوم ذا والوضع ماهو بناير
ما للسبب في نظرة الكل تفسير
الا عدم صحوه وموت الضماير
البير هذا وذاك بيراً ماهو بيير
وفي كل وادي كم بيراً وغاير
تُحفر وتهمل دون ضبط ومعايير
يا بعدها وافواهها كالغضاير
مكشوفةٍ وبلا دلايل وتسكير
ويطيح فيها كل من مر زاير
والبر متنفس لنا وفيه تغيير
نسج به عن ضيقة ٍ باالعماير
واطفالنا يتطايرو كالعصافير
من الفرح والموت بين الحفاير
والوضع مثل الكسر محتاج تجبيير
من قبل به ما تفييد حتى الجباير
والا الجهود اليوم في خير وتسيير
مساعياً ولها مشييراً وشاير
وبالوادي الاسمر ياكثر المسايير
بالليل نوره مثل نور المناير
فزعت سعوديين والخير بالخير
يد واحده مهما تدور الدواير
نفزع سوى ننهض سوى نوزت بعير
يقوم في حمله لو الحمل جاير
لمى قضيه تحت حكم المقادير
ماهي لكم يا روق معكم عشاير
من وضعها قمنا وقامت جماهير
من الخليج ومن مصر والجزاير
متعاطفين لبنتنا دون تبرير
ولشوفها كلاً يسوق البشاير
كنه فرح قدنا وسقنا التباشير
وكنه حزن نبغى نهل العباير
معكم وحنا قاطعين المشاوير
على الاسى والحزن فاالنفس داير
هذا حدث واقع ولا هو بتصويير
عشناه واقع كاشفين السراير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.