معظم أموري آتساهلها .. وهي تسهل
الا آنت في حبك ترى ما نيب متساهل
يازين .. شوف الصدر ضيُق والفكر يكهل
والشوق.. تبغا الصدق!! ياهو يثقل الكاهل
والبعد ياهو علةٍ منها الجسد يرهل
بالذات لي جاء وقتها والوضع متراهل
يعني إذا شآنت ظروفك و الزمن ما أمهل
عينك تشوف اللي تحبه وأنت متماهل
تحس بالوحده وتسآل ياترى؟؟ أو هل؟؟
يذكرك ذاك اللي تعزه أو غدى واهل
ولا أنت ياللي في طروق الحب ما تجهل
عمر المسافه بيننا لو صرت متجاهل
لون المشاعر في غيابك يالغرام أشهل
وأنت الغلا اللي في معاليق الحشا شاهل
خيول شوقك في الصدر من جوعها تصهل
ومافيه زادٍ غير حبك يشبع الصاهل
إحيي الوصل في روح قلبٍ صار لك مدهل
خالي ولا به بعد عرفك غيرك الداهل
وإسق الحنايا الضاميه من حالي المنهل
لين أرتوي من طعم حبك وأصبح الناهل
إذهلني بصوت الحنان وخلني أذهل
وأنسى حياةٍ عشتها في صمتك الذاهل
و أعيش في دولة غرامك و آغدي مع / هل
الشوق وآكوُن ولايه وأنته العاهل
والعمر فيني يزدهر وب جيتك يأهل
ويصير من كثر المشاعر والغلا آهل
أشفق عليُ بكل ما تملك غلا وإزهل
قلبٍ غدى من طول بعدك ما هو أب/ زاهل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.