هذا الاسم أحب راعيه وغليه
غلاه عندي كبر الارض وسماها
وحتى لو أنه يطلب أعيوني أعطيه
وعطيه روحي لو طلبها وبغاها
ابيع كل الناس بالود واشريه
وبعده مرض نفسي وقربه دواها
لاغاب عفت الكون كله ومافيه
وضاقت علي الارض وظلم فضاها
ادري وعرف الاسم ومنين راعيه
ولا بعد وشلون نفسي غزاها
وعلى الكرامه والمعزه مخاويه
ماهو على شين العلوم ورداها
افديه في مملك وفي روحي افديه
ومقدر عليه وتطلبه من فداها
بس المهم بكل مايطلب ارضيه
واهم حاجه عند نفسي رضاها
وحتى قصيدي يفتخر في معانيه
فيها ويرقص قدمها من غلاها
ويفز له قلبي ويفرح بطاريه
فرحت عقيم(ن)في بدايت ضناها
الله يسعد في حياته لياليه
ويسهل دروب(ن)برجله مشاها
شيخه وبنت شيوخ لبيه لبيه
تمشي وحراس الغلا من وراها
ماهي بشيخة خمسة ابيوت ياهيه
مايلام قلبي يوم يتبع هواها
ولاصار حاكم حب والقلب قاضيه
مالي مفر(ن)عن مواجه قضاها
وحكمه على عيني وراسي وباغيه
حتى لو انه زاد نفسي عناها
اللي يبيه أمر على النفس تمشيه
وليا عصت نفسي عليه اعصاها
وحتى قصيدي قام عرفه يحليه
و حلا المعاني يقتبس من حلاها
لؤلؤ بحر يغني من الفقر لاقيه
دره ثمينه وهني من لاقاها
داره جزيره في بحر صعب انا أجيه
ودونه شيوخ(ن)مايقرب حماها
مادمت حين معي ماني بناسيه
ولامت شعري ذكرياته حكاها
جاك الشعر سيل(ن)طفح فوق واديه
ودخل بيوت اللي سكنه وملاها
دارن وطاها تزتهر من مواطيه
وهني دارن خف رجله وطاها
من شان محد(ن)يعرف اسمه اخفيه
قصيدتي به يبلش اللي قراها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.