انا صدري اليم وقوافي القصيد فجاج
على ساحل الذكرى تلاطم به امواجه
يقولون قلب الشاعر اخطر من الامواج
وانا اقول قلب الشاعر انوار وهّاجة
تذكّرت ابوكدمة على وجهه الوهّاج
طويل الذراع اللي يشرّفْه منهاجه
على منهج الابطال ماهو على منهاج
صغار العقول اللي ل الاسواط محتاجه
انا ياخويّ المرجلة للندم محتاج
مثل حاجة العود لعصاته ولعلاجه
ترى الحلم سقم اعمارنا والطموح علاج
وحظ الفتى له دور في فلة حجاجه
اذا هو تجهّم مثل بن يوسف الحجاج
.. واذا هو عطى حاتم بجنبه ولا حاجة
وانا والتعب واخوي عبدالله بن دباج
قطعنا بحر يتصافق الموت ب امواجه
فلا احنا غرقنا من سبب شدة الامواج
ولا احنا سلمنا من عقاربه وهماجه
ظما الموت يحدانا لو ان الشراب هماج
وكلٍ على مقدار راسه لبس تاجه
على هامة البيدا سنام البليهي تاج
جيوش العطش تعجز على زعزعة تاجه
الا حيّ لي فعلك يانجّار ابو مسحاج
على ارض المراجل ياقصوره وياابراجه
تناطح سحاب وتبني ابراج فوق ابراج
تسبّ الظلام وترسل النور لسراجه
جزيل القصايد من سموّك يجيها احراج
: ياصاحب سمو المرجلة جيتك لحاجة
انا الشاعر اللي يرفض الصبغ والمكياج
ابي بعد موته تخبر الناس ب انتاجه
لوْ العمْر ماانتج لي سوى عرف بن دباج
عسى الله يكثّر خير عمري ومنتاجه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.