في رثاء الشيخ راكان التمياط - شائم الهمزاني
يا كبرها : مصيبة بلدنا وبلواهويا كثر والله في زمننا دواهيهاليوم ؛ من (عمَّان) علمٍ سمعناهأوجع (جبل شمر) وزلزل رواسيهقالوا لنا: (راكان) شيخٍ فقدناهولا هو ؛ مجرَّد شيخ حنا نسمِّيهجضيت ؛ قلت : الموت معقول وافاه؟!(راكاننا) ! ليه المنية توافيه؟لكن ؛ قريت اليوم ما كان نخشاه!صدق الخبر بعض الجرايد لفت فيهوبدأ يهل الدمع مع إني أقراهوعليه ؛ سال الدمع من عين قاريهيا ما ويا ما هلَّت العين من ماهبالدمع الأزرق لين جفت مناشيهمع غصِّتٍ ما يوم بالعمر ذقناهكن (اللحام) بداخل القلب يشويهوأحرق مشاعرنا شعورٍ شعرناهغير الأسى والحزن ما شيء واعيهيا كم خبر مثله كثيرٍ قريناه ؟ما هزنا مثله وأنا عارفٍ ليه؟!ما هو لأنه عن فقيدٍ فقدناه!ولا هو لأنه شيخ حاضر وماضيه!ولا هو بكونه (شمريٍّ) عرفناهوإلا بكثر النوح راجين نحييهلا لا ورب البيت والله واللهلكنه الفقيد (وجه الفَلَح) فيه !الفالح ؛ اللي بالمواجيب نلقاهطلق الحجاج ودلته حد حاميهفنجالها للنفس غايه ومشهاهمن شف رايقها تفتَّح مشاهيهولين النهاية ما أختلف يوم مبداهفي نهجه الواضح من أول مباديهو(حمية الأسلم) بصدق المحاماهمن خلقة (أبو زيد) غريزةٍ فيهو(راكان) بدرٍ غاب في عز قمراهيومه لنا طاب السمر في قماريهما أحلاه إذا لاحت من الشرق بشراهوحنا بظلمتنا نتحرى حراويهيا ما نسينا الهم في حلو مسراهويا ما هدتنا للموارد مساريهعقب الظمأ لزلالي العذب نرواهينباج لنا الدرب في مهمه التيهبالنور ؛ يرعانا وبالعين نرعاهويا سعدنا لحظات كنَّا نراعيهسلالة (التمياط) عند المباهاهيا حسرتي ؛ ما كل شيخٍ يماريهيا قالوا : (الصايح) وقفنا و(صِحْناه)و(مشل: أبو شمر) حفيده يْحاليهحر ولد حر بوافي مزاياهمن ماكرٍ يذراه بالجود ذاريهعزيزهم ؛ بالله عزيزٍ ؛ وعزاهيا عًزتي ؛ لعيون والله معاديهو(العز) في (راكان) مهما رثيناهما عاد باقي غير رجوى العزاء فيهولنا العزاء في كل ساعي بمسعاهواللي مثل (راكان) (راكان ندْعيه)على بياض الوجه في وجه بيضاهطبع الأمل نضل بالعمر نرجيهلا (الناعي) اللي في ثرى المسك واراهولا الشاعر اللي بأصدق إحساس يرثيهولا (النايحات) الصوت ؛ ويلاه ويلاهولا كل من ينعاه و(الكل ناعيه)ولا (الراجي) اللي جض من لوع فرقاهيوم انقطع حبل الرجاء في مساعيهولا (البائس) اللي بالخبر فاغرٍ فاهعظ الإبهام بحسرته يابسٍ فيهولا (الخاسر) آماله بما هو تمناهأللي فقد أول وتالي أمانيهولا (العاني) اللي قاصدٍ باب مبناهاللي بوقفاته كبارٍ هقاويهولا (الناخي) اللي قال : من عاد ننخاه؟!ونقول: (تكفا) في جزيل المشاريهولا (الصاحب) اللي طيلة العمر خاواهويقول : ليتي ميْت والله محْيِيْهبعد (أبو زيد) العمر وش عاد يسْواه؟!ما صافي بالود يمكن نْصافيهولا كل (من حَبه) وبالروح يفداهزهد بعمره قال: شابت لياليهمن بعد فقد (البيه) ما له بدنياهولا له بكل الناس قاصي ودانيهو(راكان) راح ؛ وكان في (زيد) مسعاهو(سلمان) والي (زيد) من بعد (واليه)اللي ؛ مع الراحل وفاء لين (مثواه)بأكرم قدومٍ مع سموه يجي فيهو(سلمان) (معنى الحر): في (حر عيناه)و(الحر) بالنوهات ما أحدٍ يْوصِّيهبأسمى مواساةٍ لنا إنسان واساهوحنا ، ب(راكان) الفقيدة نواسيه(الشهم) في (شمر) تجمَّل وحياه(راع الجمايل) ليت نقدر ونوفيه؟!سامي سموه : (درة التاج) تزهاهما هقوتي سواه في يوم تزهيه(معنى الإمارة) فيه بالفعل جاراهالله !!! يا (سلمان) ما أسمى معانيه!سلمان : كامل معنى الإنسان معناهتأخذ منه أسمى المعاني وتعطيهأميرنا : اللي وافياتٍ سجاياهما عندنا بالناس واحدْ يساويهبالورد لوهي تفْرش الأرض لخطاهولو تذهب الأرواح لعيون عينيهما هي تساوي ذرةٍ من عطاياهوغير (الدعاء بالخير) وش عاد نعطيه؟!وجميعنا عبيد فضله وحسناه(الله) عنا بالحساني يجازيهعسى نصيبه في حياته وأخراهمن فضل ربه كل ما يهتني فيهعلى المعزة والسعادة بدنياهوالموت: إلى جاه بحدينا يْخَليهيسْعد حياة الناس في (سعْد عيناه)ومريضهم بالله ودواه يشْفيهوتجبر؛ عثرات الكريمين ؛ يمناهوتدْمل ؛ جروح اللي : طبيبه بحل فيه(وجه الفلح) كل السَّعد في محياهمع شفة الفنجال ما بين أشافيهفي لفتةٍ من حامي الوجه والجاهقبل صدور الأمر ما أراد يأتيهفيه الإرادة : أمر والحزم يقفاهوشمس البصيرة في (ضحى الفهم) توجيهو(معنى الفراسة) فيه ؛ أو منْه مجْناهبأكمل ؛ تعاريف الفراسة يْلَبيهو(المستحيل) إنا مدى الدهر ننساهواللي مثل (سلمان) ما أحدٍ بناسيهبالله ، ياما راحت أرواح ؛ لولاهما صدْرٍ ؛ إلا فضل (سلمان) ماليهلو غاب تبقى سالفتنا بطرياهبأذواقنا (شهْدٍ بليمون) طاريهلنا أجمل اللحظات تأتي بذكراهونقول: (ما شاء الله) عسى الله يبقيهويا ربنا ؛ ندْعيك ؛ وكلٍ بدعواهوبالله ؛ ما يخيب إنسان يدعيهترحم فقيدٍ حاتِم الأجل وافاهوالصبر والسلوان تمنح محبيهوعساه ؛ في طيبا على طيب ملفاهفي مثل ما هو كان بيضٍ أياديهوتجبر عزانا فيه في (وافي أبناه)وتبقي لنا كريمٍ فضلٍ وفاء فيهوجميعنا في عزة الذات ننصاهوبالحب والهيبة تحياتْ نهْديه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.