قالوا إنك شخص غيري باتحب
قالوا انك صرت عاشق له واسيره
قالوا عنك شيء يصعب ينكتب
والوصوف اللي تصل عندي كثيره
ما اعترفلي هي حقائق أو كذب
بين حزني عشت ودموعي غزيره
والصبر نا قلت بصبر واحتسب
وكم قاسيت الحياة المريره
من نظر عينك أشوفك مضطرب
وقد شعورك ماتوضحلي تفسيره
والسكوت اللي من اسبابه تعب
قلبي وشكلك ناوي الا بتدميره
بسألك أرجوك صارحني واجب
لاتلف ولاتسويلي تدويره
ذا سؤالي لك "تفارق أم تحب"؟
أيش ردك لي لمره أخيره
ان خترت الحب فهو مني وجب
وان خترت انك تفارق...عسيره
بس أنا بجبر ع جرحي مايصب
وكل منا بايواصل مسيره
ع الأقل باقول يكفيني تعب
والتنقل بين ديره وديره
لو أنا في خط سيرك بنسحب
وهاك مني خذ جوازك وتأشيره
لاتظني بنسى إحساسك واسب
كم تبع فرقاي حزني مع الغيره
لأنني إنسان وافي مع الحب
كل كلمه وكل حرف بتأثيره
في الخيانه سجل ان قلبي رسب
وفي الوفاء ماخذ شهاده وتقديره
إن رضيت بدمع عيني ينسكب
بكتفي بالقول جمله وتحذيره
لو انكتب عيشك على الدنيا شقب
لاتنكد عيش من روحه كسيره
ولاتصاحب من على الفتنه يشب
وده الا كل خطوه بتعثيره
والنهايه ... حب من ودك تحب
وكل واحد بايحقق مصيره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.